NextRiot

Super (Props) လို့ ဘာလို့ရေးသလဲ?

November 30, 2018 • ☕️ 4 min read

Hooks တွေ နာမည်ကြီးနေတယ်ကြားတယ်။ ဖြစ်ချင်တော့ ဒီဘလော့ ကို class components တွေရဲ့ စိတ်ဝင်စားပုံကောင်းတဲ့ အချက်လေးတွေနဲ့ စချင်တယ်။ အဲ့လိုဆို ဘယ်လိုနေမလဲမသိ။

React ကို အကျိူးရှိရှိ ကောင်းကောင်းမွန်မွန် သုံးနိုင်ဖို့ ဒီအချက်တွေက သိပ်ပြီးအရေးပါလှတယ်တော့ မဟုတ်ပါဘူး။ ဒါပေမယ့် အသေးစိတ်ကျကျ သိချင်သူ အတွက်တော့ စိတ်ဝင်စားဖို့ကောင်းပါလိမ့်မယ်။

ပထမတစ်ချက်က ဒီလိုပါ


တစ်သက်လုံး super (props) တွေကို ဒီလိုရေးလာတာ တော်တော်တောင်များခဲ့ပြီ။

class Checkbox extends React.Component {
  constructor(props) {
    super(props);    this.state = { isOn: true };
  }
  // ...
}

Class fields proposal အရဆို တစ်ချို့အချက်တွေကိုချန်ပြီး ဒီလိုရေးလို့ရမယ်။

class Checkbox extends React.Component {
  state = { isOn: true };
  // ...
}

ဒီ syntax ပုံစံကို React 0.13 က plain classes တွေကို စတင် ထောက်ပံံံ့ လိုက်တဲ့ ၂၀၁၅ မှာ အစီအစဉ်ဆွဲခဲ့တယ်။ class fields တွေက ပိုပြီးအဆင်ပြေတဲ့ ရွေးချယ်စရာတစ်ခုဖြစ်မလာခင် အထိတော့ constructor ထဲမှာ super(props) လို့ခေါ်တာက ယာယီ အဆင်ပြေ စေ တဲ့ ဖြေရှင်းချက် ပါပဲ။

အပေါ်က ဥပမာကို ES2015 features တွေပဲသုံးပြီး ရေးကြည့်ရအောင်ပါ။

class Checkbox extends React.Component {
  constructor(props) {
    super(props);    this.state = { isOn: true };
  }
  // ...
}

super ကို ဘာကြောင့် ခေါ်တာပါလဲ။ မခေါ်ဘဲနေလို့ ရပါသလား။ မဖြစ်မနေခေါ်မှရမယ်ဆိုရင်တောင် props argument ကို မသုံးရင် ဘာဖြစ်မှာပါလဲ။ တခြား argument တွေ သုံးလို့ရသေးသလား။ ကြည့်ကြည့်ရအောင် ပါ။


JavaScript မှာ super က parent class ရဲ့ constructor ကို ညွန်းပါတယ်။ ( အထက်ပါ ဥပမာထဲမှာဆိုရင်တော့ React.Component ပေါ့။)

အရေးကြီးတဲ့အချက်က parent constructor ကို မခေါ်ပြီးမချင်း this ကို constructor ထဲမှာသုံးလို့မရဘူး ဆိုတာပါပဲ။ JavaScript မှာ ဒီလိုလုပ်လို့မရပါဘူး။

class Checkbox extends React.Component {
  constructor(props) {
    // 🔴 `this` ကိုသုံးလို့မရသေး
    super(props);
    // ✅ အဆင် ပြေသွားပြီ
    this.state = { isOn: true };
  }
  // ...
}

JavaScript မှာ အဲဒီလို this ကိုမထိခင် parent constructor ကို အရင်ခေါ်သုံးခိုင်းတဲ့ အကြောင်းပြချက်ကောင်းကောင်း ရှိပါတယ်။ Class အဆက် တစ်ခုကိုပဲ စဉ်းစားကြည့်ပါ

class Person {
  constructor(name) {
    this.name = name;
  }
}

class PolitePerson extends Person {
  constructor(name) {
    this.greetColleagues(); // 🔴 သုံးမရပါ၊ ဘာကြောင့်လည်း ဆက်ဖတ်ကြည့်ပါ
    super(name);
  }
  greetColleagues() {
    alert('Good morning folks!');
  }
}

ကဲ အရင်ဆုံး super ကို မခေါ်ရသေးခင် this ကိုသုံးလို့ရတယ်ဆိုပါစို့။ တစ်လကြာတော့ greetColleagues ဖန်ရှင်ကို ပြင်ချင်ပြီ။ Person name ကိုပါ alert ပြတဲ့ message ထဲ ထည့်မယ်ပေါ့။

  greetColleagues() {
    alert('Good morning folks!');
    alert('My name is ' + this.name + ', nice to meet you!');
  }

ဒါပေမယ့် this.greetColleagues() ကိုခေါ်တဲ့အခါမှာ super() ကိုမခေါ်ရသေးတာကို မမေ့ပါနဲ့။ super()ကို မခေါ်ရသေးရင် this.name ကိုလည်း set up မလုပ်ရသေးပါဘူး။ this.name ဟာ သတ်မှတ်ပြီးသားကို မဖြစ်သေးပါဘူး၊ undefined ပဲရှိပါဦးမယ်။ တွေ့တဲ့အတိုင်းပါပဲ ၊ ဒီလို code မျိုး ဒီလို error မျိုးဆိုတာ စဉ်းစားရခက်တတ်ပါတယ်။

အဲ့လိုမထင်မှတ်တဲ့ အမှားတွေကို ရှောင်ရှားနိုင်ဖို့ JavaScript က this ကိုအရင်သုံးမယ်ဆို super ကိုအရင်ခေါ်ပါလို့ သတ်မှတ်ထားတာ ဖြစ်ပါတယ်။ တစ်နည်းပြောရင် parent ကို စီစဉ်စရာရှိတာ အရင်စီစဉ်စေတာဖြစ်ပါတယ်။ ဒီအချက်ဟာ class တွေပဲဖြစ်တဲ့ React Class Component တွေအတွက်လည်း အတူတူပဲ ဖြစ်ပါတယ်။

  constructor(props) {
    super(props);
    // ✅ `this` ကိုသုံးဖို့ အဆင်ပြေသွားပြီ
    this.state = { isOn: true };
  }

ဒီလိုဆို နောက်မေးခွန်းတစ်ခု ကျန်ပါဦးမယ်။ ဘာလို့ props ကိုမှ သုံးသလဲ?


အဲ့လိုဆို props ကို super ထဲ မဖြစ်မနေ ဖြတ်ဖို့လိုတယ်၊ ဒါမှ React.Component constructor က this.props ကို initialize လုပ်လို့ရမယ်လို့ တွေးလို့ရပါတယ်။

// React ထဲမှာ
class Component {
  constructor(props) {
    this.props = props;
    // ...
  }
}

တကယ်လည်း အဲဒီအတိုင်း ပဲ ဖြစ်ပါတယ်။

ဒါပေမယ့် super() ကို props argument မသုံးဘဲခေါ်ရင်လည်း render အပါအဝင် တခြား method တွေမှာ this.props ကို သုံးလို့ရဆဲပဲ ဖြစ်ပါတယ်။ ( မယုံရင် စမ်းကြည့်ပါ )

ဘယ်လိုဖြစ်တာလဲ ပေါ့။ ဖြစ်ပုံက React က propsကို constructor run ပြီး instance တွေမှာပါ ထည့်ပေးနေတာကိုး။

  // React ထဲမှာ
  const instance = new YourComponent(props);
  instance.props = props;

props ကို super() ထဲဖြတ်ဖို့ မေ့ခဲ့တယ်ဆိုရင်တောင် React ကပြန်ပြင်ပေးနေတာ ဖြစ်ပါတယ် ။ အဲ့ဒီ အတွက်လည်း React မှာ အကြောင်းပြချက်ကောင်းကောင်း ရှိပါတယ်။

တကယ်တော့ React က class တွေ စကြေညာတော့ ES6 class တွေ အတွက်ပဲ ရည်ရွယ် ခဲ့တာမဟုတ်ပါဘူး။ ဖြစ်နိုင်သမျှ class ပုံစံအမျိုးမျိုး အတွက် အဆင်ပြေအောင် ရည်ရွယ်ထားခဲ့တာ ဖြစ်ပါတယ်။ ClojureScript, CoffeeScript, ES6, Fable, Scala.js, TypeScript တို့လို အခြား languages တွေမှာ ဘယ်လိုပုံစံ ရှိမယ်ဆိုတာ မသိခဲ့၊ မသေချာခဲ့ပါဘူး။ ES6 class တွေမှာ super() ကိုလိုပေမယ့် — တခြား language တွေမှာ လိုမလို မသိတဲ့အတွက် props ကို instance မှာ ထည့်ဖို့ ရည်ရွယ်ချက်ရှိရှိ စီမံထားခဲ့တာပါ။

ဒါဆို super(props)လို့ ရေးမယ့်အစား super() ပဲရေးလည်း ရမယ်ပေါ့။

ရှင်းပြဖို့ နည်းနည်းခက် ပေမယ့် အဲ့လိုတော့မရပါဘူး။ React က constructor ကို run ပြီးတဲ့အချိန် this.props ကို ထည့်လိုက်မှာတော့ဟုတ်တယ်။ ဒါပေမယ့် constructor ထဲ (super call နဲ့ constructor အဆုံးကြားထဲ ) မှာတော့ this.props က undefined ဖြစ်နေဦးမှာပါပဲ။

// React ထဲမှာ
class Component {
  constructor(props) {
    this.props = props;
    // ...
  }
}

// ကိုယ့် code ထဲမှာ
class Button extends React.Component {
  constructor(props) {
    super(); // 😬 props ကို မေ့ခဲ့သောအခါ
    console.log(props);      // ✅ {}
    console.log(this.props); // 😬 undefined   }
  // ...
}

အဲ့တော့ အပေါ်က ဥပမာ ထဲကလို constructor ထဲက ခေါ်သုံးတဲ့ method တွေဆို ပြဿနာ တက်မှာ အသေအချာပါပဲ။ debug လုပ်ဖို့လည်း တော်တော်ခက် မယ့် ကိစ္စ ဖြစ်ပါတယ်။ အဲ့ဒါကြောင့် super(props) ကိုပဲ သုံးစေချင်ပါတယ်၊ အတင်းကြီး သုံးမှရမယ် ဆိုတာမျိုး မဟုတ်ပေမယ့်။

class Button extends React.Component {
  constructor(props) {
    super(props); // ✅ props ပါတယ်ဟုတ်
    console.log(props);      // ✅ {}
    console.log(this.props); // ✅ {}
  }
  // ...
}

ဒီမှာဆို this.props က constructor ထက်အရင်ရှိတာ သိသာပါတယ်။


Longtime React user တွေ စိတ်ဝင်စားလောက်တဲ့ နောက်ဆုံး တစ်ချက် ရှိပါသေးတယ်။

Context API ကို class တွေမှာသုံးတဲ့အခါ (နဂိုမူလ contextTypes ပဲဖြစ်ဖြစ်၊ React 16.6 မှာပါလာတဲ့ contextType ပဲဖြစ်ဖြစ်) context ကို constructor ရဲ့ ဒုတိယ argument အဖြစ်ထည့်ပေးရတာကို သိမှာပါ။

ဒါဆို ပိုပြီး ပြည့်စုံသွားအောင် super(props, context) လို့ဘာလို့ မရေးသလဲပေါ့။ ရပါတယ်၊ ရေးလို့က ။ ဒါပေမယ့်သူက အသုံးနည်း တော့ ပြဿနာ ဖြစ်နိုင်ခြေ နည်းလို့ ထည့်မပြောတာပါ။

ဘာပဲဖြစ်ဖြစ် class fields proposal နဲ့ဆို ဘာမှဖြစ်စရာ အကြောင်းမရှိဘူးလေ။ constructor သတ်သတ်မှတ်မှတ် ထားဖို့မလိုပဲ arguments တွေအားလုံး အလိုလို နေရာတကျ ဖြစ်ပြီးသားပဲ။ state = {} မှာ လိုအပ်ရင် this.props တို့၊ this.context တို့ကိုတောင် ပြန်ညွန်း လို့ရသေးတယ်။

Hooks တွေနဲ့ဆို super ရော this ပါ မလိုတော့ဘူး။ ဒါပေမယ့် အဲ့ဒါက နောက်မှပြောရမယ့် အကြောင်းတွေပါလေ။